Nigeria cleric Zakzaky, wife acquitted of all charges, freed from jail

One Kaduna State High Court don free di banned Islamic Movement in Nigeria leader, Sheikh Ibrahim El-Zakzaky and im wife.

Di presiding judge, Justice Gideon Kurada for im ruling uphold di no-case submission wey Sheikh Ibraheem El-Zakzaky and im wife bin sign.

Di judge for im ruling say di prosecution fail to establish prima facie case against di defendants.

El-Zakzaky and im wife Zeenat Ibrahim don dey on trial for four years for eight-count charge of alleged culpable homicide, disruption of public peace and unlawful Assembly among oda allegations wey di Kaduna state goment nack dem.